"ABŞ-nin dövlət təşkilatlarında, o cümlədən "Pentaqon"da yalnız rəhbər səviyyələrdəki şəxslər iş başındadırlar. Dövlət Departamentinin Yaponiya ofisinin bir sıra əməkdaşı da dünəndən etibarən ödənişsiz məzuniyyətə göndərilib. Hazırda ofis normal imkanlarının ancaq 75%-i ilə fəaliyyətdədir", - o söyləyib.
Malayziya səfirliyinin nümayəndəsi isə "şatdaun"a baxmayaraq, Donald Trampın bu ölkəyə səfəri üçün hazırlıqların dayandırılmadığını, ancaq Vaşinqtondakı vəziyyətin diqqətlə izləndiyini vurğulayıb. Cənubi Koreya səfirliyi də oxşar bəyanat verərək, sadəcə "əsas kadrlar"ın işlədiklərini deyib.
|
| Politico: "ABŞ həftədə 15 milyard dollar itirəcək" |
Məlumat üçün bildirək ki, Donald Trampın 26-28 oktyabrda Malayziyanın paytaxtı Kuala-Lumpurda keçiriləcək Cənub-Şərqi Asiya Ölkələri Assosiasiyasının (ASEAN) sammitində iştirakı gözlənilir. Onun həmçinin Yaponiyanın paytaxtı Tokioya, habelə oktyabrın 31-dən noyabrın 1-dək Asiya-Sakit Okean İqtisadi Əməkdaşlıq Təşkilatının (APEC) sammitində iştirak məqsədilə Cənubi Koreyanın Kyoncu şəhərinə səfəri planlaşdırılır.
Xatırladaq ki, dünən ABŞ federal hökuməti qismən "bağlanıb". Bu, respublikaçılar ilə demokratların büdcə xərcləri üzrə razılığa gələ bilmədikləri üçün baş verib. Bu çərçivədə dövlət təşkilatları öz işini dayandırıb, sosial proqramlar dondurulub, yüz minlərlə dövlət işçisi ödənişsiz məzuniyyətə göndərilib.
Firudin Həmidli
AzVision.az
Vaxtında, Aydın, Lazımlı!
-1780587274.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
